Справаздачна-выбарны сход у працоўным калектыве РЛССЦ. Аб выніках працы прафсаюзнага камітэта і рэвізійнай камісіі за справаздачны перыяд май 2019-красавік 2024 года.

Дарагія работнікі і ветэраны лясной гаспадаркі!

Прыміце цёплыя віншаванні са Святам працы!

Менавіта працавітасць - тая рыса, якая здаўна аб'ядноўвала беларусаў. Толькі дзякуючы працы некалькіх пакаленняў мы змаглі пабудаваць моцную, незалежную, квітнеючую дзяржаву. І сёння вельмі важна зберагчы і прадоўжыць тыя добрыя традыцыі, якія былі закладзены нашымі продкамі.

Дзякуючы працы мы развіваемся, рэалізуемся. Вось чаму так важна выхоўваць у нашых дзецях павагу, а таксама любоў да працы і пачуццё адказнасці за сучаснасць і будучыню краіны.

Адказнае стаўленне да справы - тое, што заўсёды адрознівала і работнікаў лясной галіны. У сваім выступленні на Усебеларускім народным сходзе Прэзідэнт нашай краіны Аляксандр Лукашэнка зрабіў асаблівы акцэнт на поспехах лясной гаспадаркі. Гэта высокая ацэнка была б немагчымай без працы кожнага з вас.

Неверагодна прыемнай навіной стала інфармацыя аб тым, што адразу дзве лесагаспадарчыя ўстановы – Капыльскі вопытны і Лепельскі лясгасы – былі занесены напярэдадні свята працы на Рэспубліканскую дошку Гонару. Гэта яшчэ адно прызнанне працы работнікаў нашай галіны на ўзроўні краіны! Упрыгожылі імёны работнікаў і назвы арганізацый лясной гаспадаркі і абласныя, раённыя Дошкі гонару.

Пра што гэта ўсё кажа? Пра тое, што праца работнікаў лясной гаспадаркі важная і каштоўная, яе бачаць і адзначаюць – мы гэтым ганарымся.

Карыстаючыся выпадкам, я хацеў бы падзякаваць усім работнікам лясной галіны - а гэта больш за 36 тысяч чалавек - за вашу штодзённую нялёгкую працу, спалучаную, часам, з пэўнымі пазбаўленнямі і рызыкамі.

Асобныя словы ўдзячнасці хацеў бы выказаць прафсаюзным лідарам нашай галіны, якія клапоцяцца аб тым, каб нашы работнікі і іх сем'і адчувалі сябе сацыяльна абароненымі. Дарэчы, сёлета прафсаюзны рух Беларусі святкуе сваё 120-годдзе – гэта знакавая дата ў гісторыі нашай краіны.

Жадаю моцнага здароўя, міру, дабрабыту ўсім работнікам і ветэранам нашай галіны. Новых працоўных здзяйсненняў на карысць лясной гаспадаркі Рэспублікі Беларусь!

Са святам!

З павагай,

Міністр лясной гаспадаркі Аляксандр Кулік

Работнікі ўстановы «РЛСНЦ» прынялі ўдзел у святкаванні 1 мая!

Свята працы сабрала работнікаў РЛСНЦ у сталічным Парку Перамогі.

Сход у працоўным калектыве, прысвечаны святу працы - "Чалавек Працы заўсёды быў, ёсць і застанецца галоўным героем нашага жыцця"!

#1мая2024

Беларусь адзначае 1 Мая. Дзень працы. Свята традыцыйнае, свята міжнароднае. Са сваёй гісторыяй і маштабам.

Гэта свята традыцыйна адзначае Беларусь, а яшчэ Аўстралія, ЗША (праўда, у верасні), Канада, Еўропа. Нават Мальдывы і Багамы, дзе, здавалася б, наогул не да працы, а жыццё – суцэльны адпачынак. Адно з самых, аказваецца, адзначаемых святаў свету. Больш чым паўсотні дзяржаў святкуюць афіцыйна і зрабілі гэты дзень выхадным.

Майскія святы маюць старажытную гісторыю. Тры тысячы гадоў таму жыхары старажытнай Італіі пакланяліся багіні Майі – заступніцы зямлі і ўрадлівасці. У гонар яе апошні месяц вясны назвалі маем, а ў яго першы дзень ладзiлiся гулянні і ўрачыстасці.

Гісторыя свята 1 Мая, Дня салідарнасці працоўных, пачынаецца з 1886 года. 1 мая 1886 года Чыкагскія рабочыя арганізавалі забастоўку і дэманстрацыю з патрабаваннямі 8-гадзіннага працоўнага дня. Акцыя скончылася кровапралітным сутыкненнем з паліцыяй, што прывяло да масавых ахвяр сярод дэманстрантаў. Праз тры гады, у ліпені 1889 г., Парыжскі кангрэс II Інтэрнацыяналу назваў 1 мая Днём салідарнасці працоўных усяго свету і прапанаваў штогод адзначаць яго дэманстрацыямі.

У Расійскай імперыі гэта свята ўпершыню адзначылі ў 1890 годзе ў Варшаве правядзеннем Першамайскай стачкі рабочых. На наступны год у Пецярбургу адбылася першая маёўка. З 1897 года маёўкі сталі насіць палітычны характар і суправаджацца масавымі дэманстрацыямі. У дарэвалюцыйны час першамайскія маёўкі рабочых праходзілі і ў Беларусі.

У 1917 годзе 1 мая ўпершыню адсвяткавалі адкрыта. У многіх гарадах Расіі мільёны рабочых выйшлі на вуліцы з лозунгамі "Уся ўлада Саветам", "Далоў міністраў-капіталістаў". Па сапраўднаму масавым святам 1 мая стаў у СССР. І гэта сапраўды было свята для савецкіх працоўных. Доўгі час дзень 1 мая адзначаўся як Дзень міжнароднай салідарнасці працоўных усіх краін. У гады перабудовы дэманстрацыі на вуліцах вёсак і гарадоў спыніліся. Некаторыя дзеячы пастараліся выкрасліць гэту дату з пераліку афіцыйных святаў. Але працоўны народ у розных краінах па-ранейшаму адзначае Дзень салідарнасці працоўных.

У 1997 годзе гэта свята перайменавалі ў Свята вясны і працы. А яшчэ Першамай называлі святам вясны. Ён сапраўды быў першым вясновым святам, не лічачы Вялікадня. Людзі радаваліся абнаўленню прыроды і дружна ішлі на дэманстрацыю, якая была не толькі палітычнай акцыяй, але і давала магчымасць сустрэцца з сябрамі, убачыць свой калектыў. Пасля дэманстрацыі было прынята хадзіць адзін да аднаго ў госці. Да гэтага часу шмат хто памятае легендарныя "МIР! ПРАЦА! МАЙ!".

Указам Прэзідэнта Рэспублікі Беларусь № 157 ад 26.03.1998 г. Дзень працы ўстаноўлены як агульнарэспубліканскі святочны дзень. У Беларусі з'яўляецца непрацоўным днём. Штогод праводзяцца мітынгі ў гонар гэтага свята. Народ ушаноўвае людзей, якія дасягнулі важных поспехаў у розных сферах вытворчасці і культуры. У гэты дзень прынята падводзіць вынікі, вызначаць перспектывы і верыць, што намечаныя высакародныя мэты абавязкова будуць дасягнуты, што чалавек працы заўсёды быў, ёсць і застанецца галоўным героем нашага жыцця.