Установа «Рэспубліканскі лясны селекцыйна-насенняводчы цэнтр» (РЛСНЦ) з'яўляецца флагманам айчыннай індустрыі ў галіне вядзення ляснога селекцыйнага насенняводства, валодае статусам навуковай арганізацыі.

На аснове навукова-абгрунтаванага развіцця і ўдасканалення пастаяннай лесанасеннай базы, у тым ліку з прымяненнем інавацыйных біятэхналогій, РЛСНЦ удзельнічае ў дзяржаўных праграмах, накіраваных на захаванне каштоўнага генафонду драўняных раслін краіны, павышэнне прадуктыўнасці, экалагічнага і рэсурснага патэнцыялу лясоў Рэспублікі Беларусь, у тым ліку ажыццяўляе:

• вядзенне адбору, уліку плюсавых дрэў і насаджэнняў, генетычных рэзерватаў, дакументацыі на ўсе аб'екты пастаяннай селекцыйнай базы рэспублікі;
• вырошчванне ляснога селекцыйнага пасадкавага матэрыялу і забеспячэнне ў ім патрэбаў лясгасаў пры закладцы імі аб'ектаў пастаяннай лесанасеннай базы;
• аказанне метадычнай дапамогі лясгасам у арганізацыі ляснога селекцыйнага насенняводства, гадавальніцкай гаспадаркі і лесааднаўлення;
• арганізацыя работы пастаянных камісій па правядзенні атэстацыі аб'ектаў пастаяннай лесанасеннай базы, пастаянных лясных гадавальнікаў лясгасаў рэспублікі;
• вывучэнне, абагульненне, прапаганду і ўкараненне ў практыку лясной гаспадаркі навукова-тэхнічных распрацовак, перадавога айчыннага і замежнага вопыту ў галіне ляснога насенняводства, лесанасеннай справы, гадавальніцкай гаспадаркі і лесааднаўлення;
• ажыццяўленне кантролю за якасцю праводзiмых лясгасамі работ па ўліку чаканага ўраджаю насення лясных драўняна-хмызняковых відаў, за выкананнем лясгасамі тэхналогіі нарыхтоўкі, захоўвання і перапрацоўкі лесанасеннай сыравіны і ляснога насення, за укараненнем у вытворчасць навукова-тэхнічных распрацовак у галіне ляснога насенняводства, лесагадавальнай гаспадаркі, лесааднаўлення і лесаразвядзення;
• вытворчасць аналізаў па вызначэнні пасяўных якасцяў насення драўняна-хмызняковых відаў, ступені энтамалагічнай і фітапаталагічнай заражанасці ляснога насення, сеянцоў, саджанцаў і глебы; афармленне і выдача дакументаў, якія пацвярджаюць якасць ляснога насення ў адпаведнасці з патрабаваннямі дзеючых стандартаў;
• перапрацоўка і захоўванне насення драўняна-хмызняковых відаў;
• распрацоўка рэкамендацый, методык і настаўленняў, удасканаленне дзеючых дзяржаўных стандартаў і іншых нарматыўна-тэхнічных дакументаў у галіне лясной селекцыі, ляснога насенняводства, гадавальніцкай гаспадаркі і лесааднаўлення;
• ажыццяўленне навукова-тэхнічных сувязей з іншымі арганізацыямі па пытаннях вядзення ляснога насенняводства, лесанасеннай справы, гадавальніцкай гаспадаркі і лесааднаўлення;
• вырошчванне стандартнага ляснога пасадачнага матэрыялу з закрытай каранёвай сістэмай для мэт лесааднаўлення і лесаразвядзення;
• правядзенне навукова-даследчых работ па ўводу ў культуру in vitro, стабілізацыі і далейшаму мікракланальнаму размнажэнню драўняна-хмызняковых відаў раслін.

У цяперашні час у РЛССЦ функцыянуе 4 аддзела:

• сектар ляснога насенняводства і лесааднаўлення;
• вытворчы аддзел;
• цэнтральная аналітычная лабараторыя;
• навукова-даследчы аддзел.

Асноўнымі складнікамі вытворчай базы ўчасткаў РЛСНЦ з'яўляюцца:

• цэх высеву насення;
• цэх перапрацоўкі шышак;
• халадзільныя камеры для захоўвання насення;
• цэх упакоўкі сеянцоў;
• халадзільныя камеры для захоўвання сеянцоў;
• цяплічны комплекс па вырошчванні пасадкавага матэрыялу з закрытай каранёвай сістэмай;
• цяплічны комплекс па вырошчванні пасадкавага матэрыялу асноўных лесаўтваральных парод.