5 студзеня на базе цэнтра павышэння кваліфікацыі работнікаў лясной гаспадаркі праходзіць рэспубліканскі семінар-нарада па пытаннях удасканалення ідэалагічнай работы ў арганізацыях сістэмы Міністэрства лясной гаспадаркі Рэспублікі Беларусь напярэдадні Адзінага дня галасавання.

У семінары прымаюць удзел прадстаўнікі Міністэрства лясной гаспадаркі Рэспублікі Беларусь, Цэнтральнай выбарчай камісіі Рэспублікі Беларусь, Камітэта дзяржаўнай бяспекі Рэспублікі Беларусь, Міністэрства інфармацыі Рэспублікі Беларусь, намеснікі кіраўнікоў арганізацый па ідэалагічнай рабоце ДВЛГА, лясгасаў, РУП «Белдзяржлес», кіраўнікі падпарадкаваных рэспубліканскіх арганізацый і работнікі, у чые непасрэдныя абавязкі ўваходзіць арганізацыя ідэалагічнай работы. Ад установы «Рэспубліканскі лясны селекцыйна-насенняводчы цэнтр» удзел прымае Карась Андрэй Мікалаевіч - дырэктар установы, і Герфурт Сяргей Браніслававіч - намеснік дырэктара.

Паважаныя працаўнікі лясной галіны! Дарагія ветэраны!
Віншую вас з надыходзячымі святамі - Новым годам і Калядамі!

Вось і прыйшоў час перагарнуць старонку адыходзячага 2023-га года. Ён быў розным: яркім, насычаным на рознага роду падзеі, адначасова – складаным і кідаючым выклік перад усімі намі, збольшага нявызначаным як усё новае і нязведанае, але для многіх усё ж шчаслівым і ўдалым.

2023-i яшчэ больш нас з'яднаў і навучыў не баяцца цяжкасцяў. Чарговы раз мы даказалі самі сабе, што можам справіцца з любымі задачамі, бо працуем разам у адной камандзе - і заўсёды пры неабходнасці падтрымаем адзін аднаго.

Мне вызначана ёсць завошта сказаць кожнаму з вас вялікае чалавечае ДЗЯКУЙ, ёсць і чаго пажадаць у новым годзе, бо як кажуць філосафы, самы вялікі выклік чалавек можа кінуць толькі сам сабе, а значыць, яго імкненням не можа быць мяжы.

Кожны з вас пастараўся на сваім участку працы, падышоў да яе настолькі адказна, наколькі мог гэта зрабіць. Я кажу пра гэта з упэўненасцю, таму што за апошнія 1,5 гады мы бязлітасна развітваліся з тымі, хто прытрымліваўся іншых прынцыпаў. Страцілі шматлікіх адмыслоўцаў, кіраўнікоў, але ўзамен далі шанец маладым і прабіўным кадрам: тым, каго ў вызначаны момант часу проста не заўважалі, але хто гатоў сёння і цяпер, у гэты адказны перыяд часу, працаваць дзень і ноч на балазе як беларускага лесу, так і сваіх працоўных калектываў.

Перш за ўсё, я хацеў бы падзякаваць вам за тое, як вы прафесійна справіліся з аховай лясоў ад пажараў. Пакуль лясы ўсяго свету шугалі як запалкі - вы ва ўмовах анамальнай спякоты не дапусцілі распаўсюджвання агню. Больш за тое: скарацілі сярэднюю плошчу ўзгаранняў практычна ў два разы! Ці гэта не паказчык зладжана працуючай сістэмы і прафесіяналізму нашых працаўнікоў?

Я дзякую вам за тое, з якім трапятаннем і клопатам вы вырошчвалі саджанцы і сеянцы, клапаціліся пра іх, нібы пра малых дзяцей, беражліва стваралі лясы. За тое, як вы даглядалі іх, дапаўнялі і аднаўлялі, абаранялі ад дзікіх жывёл, хвароб і шкоднікаў.

Ад тых, хто і пад пякучым сонцам, і пад праліўным дажджом нарыхтоўваў і вывозіў лес - у тым ліку, ад вас, вальшчыкаў лесу і аператараў лесанарыхтоўчай тэхнікі, трактарыстаў залежала, ці будзе праца ў вашых калег на цэху і ці будуць загружаны сыравінай дрэваперапрацоўчыя прадпрыемствы па ўсёй краіне.

Я дзякую станочнікам і майстрам цэхаў, начальнікам прамысловых і планава-эканамічных аддзелаў, бухгалтарам, галоўным інжынерам спецыялістам па рэалізацыі, інжынерам па якасці за тое, што вы не разгубіліся, не страцілі надзею, у цяжкі момант сабраліся і працягнулі рабіць тое, што ўжо добра ведаеце. Дзякуючы кожнаму з вас галіна выстаяла ва ўмовах беспрэцэндэнтных санкцый. Гэта дарагога каштуе!

Слова ўдзячнасці хачу выказаць і ідэалагічнаму актыву галіны. Вас не так шмат - на ўсе 37 тысяч усяго толькі сотня чалавек - але менавіта ў вашых руках сёння галоўнае: настрой і дух калектываў. Часам менавіта яны і задаюць тон усёй працы!

А ў руках спецыялістаў па ахове працы - бяспека нашых работнікаў. У бягучым годзе без няшчасных выпадкаў у галіне, на жаль, не абышлося, але падкрэслю, што ні ў адным з іх не была ўстаноўлена віна наймальніка. З году ў год мы імкнемся да таго, каб выключыць падобныя факты, бо даражэй за чалавечае жыццё няма нічога. Нам важна, каб вы адчувалі клопат пра сябе, здаровымі і шчаслівымі вярталіся пасля працы да сваіх сем'яў.

Вядома ж, асаблівыя словы падзякі я хачу выказаць кіраўнікам арганізацый. Усё, завошта я падзякаваў вышэй працаўнікоў нашай галіны, вы надзейна і моцна трымалі ў сваіх руках і на асабістым кантролі, раўналежна вырашаючы велізарную колькасць задач. Як кіраўнік не можа працаваць без каманды, так і каманда не можа працаваць без кіраўніка. Я рады, што ў 2024-м мы ўпэўнена ідзём з вамі разам: з тым корпусам дырэктароў, якія сапраўды знаходзяцца на сваім месцы. Забягаючы наперад адзначу, што толькі ў адзінкавых арганізацыях у нас засталіся вакансіі кіраўнікоў - упэўнены, што мы іх запоўнім ужо ў хуткім часе.

Дарагія ветэраны лясной гаспадаркі! Напэўна, многія з вас дзівяцца, як хутка і імкліва ўсё мяняецца ў галіне, часам сумняваючыся: а ці трэба гэта? Паверце, усе змены прадыктаваны жыццём. Але ў аснове вядзення лясной гаспадаркі заўсёды быў, ёсць і будзе прафесіяналізм нашых працаўнікоў. Вы як ніхто іншы ведаеце: без любовi да лесу ў нашай галіне проста немагчыма працаваць. У цяперашняга пакалення гэта любоў ёсць, але ёсць і яшчэ адна каштоўнасць: вашы досвед і веды, на якія мы абапіраемся сёння. Хтосьці з вас цешыцца ціхім, спакойным жыцці пенсіянера, а хтосьці - ці ледзь не кожны дзень працягвае хадзіць на любiмую працу. Няхай і без запісу ў працоўнай кніжцы, вы працягваеце падказваць моладзі, як трэба працаваць і дзе можна пазбегнуць памылак - усё гэта ідзе ад душы і па вялікай любові да лесу - у ім ваша жыццё. Дзякуй вам, ветэраны, за тое, што вы заўсёды ахвотна падстаўляеце плячо дапамогі - мы гэта цэнім! І не выпадкова ў гэтым годзе правялі маштабную кампанію па ўвекавечанні памяці аб Заслужаных лесаводах БССР і Рэспублікі Беларусь - іх партрэты цяпер упрыгожваюць будынкі лясніцтваў і лясгасаў, РУП «Белдзяржлес», дзе доўгія гады працавалі перадавікі нашай галіны.

Асобна хацеў бы адзначыць той факт, што ўпершыню пасля працяглага перапынку работнікі лясной гаспадаркі былі ўдастоены дзяржаўных узнагарод - медалёў «За працоўныя заслугі» і «За бездакорную службу III ступені». Іх атрымалі розныя катэгорыі работнікаў: ад лесніка да начальніка ўпраўлення міністэрства. І гэта прадмет гонару ўсёй нашай галіны. Не гаворачы ўжо аб сотнях грамат і падзяк ад вышэйшых дзяржаўных органаў улады, якімі былі адзначаны нашы людзі. Магу смела запэўніць, што ў надыходзячым годзе мы працягнем практыку вылучэння нашых людзей на дзяржаўныя ўзнагароды. Бо вы гэтага вартыя!

Дарагія калегі! У перадпачатку зімовых свят я хачу пажадаць кожнаму з вас моцнага здароўя, дабрабыту, дабра. Хай усярэдзіне вас заўсёды будзе жыць любоў да лясной справы, а жаданне зрабіць сваю краіну яшчэ прыгажэй, чысцей і ўтульней ніколі не пакідае. Мірнага неба нам у новым годзе, новых прафесійных вышынь і поспехаў!

З Новым годам і Калядамі!

З павагай, міністр лясной гаспадаркі Аляксандр Кулік

Крыніца: mlh.gov.by

З надыходзячым Новым годам!!! Міру, Шчасця, Здароўя ў новым 2024 годзе!!

Сёння ў нашым цэнтры было шмат смеху і весялосці!

Напярэдадні чарадзейных свят у РЛСНЦ прайшоў навагодні ранішнік для дзяцей супрацоўнікаў. Для рабят наладзілі сапраўднае навагодняе свята з карагодамі, гульнямі, конкурсамі. Усмешкі дзяцей - гэта, мабыць, самае лепшае, што можа радаваць погляд.

Сёння напярэдадні зімовых свят віншуем з надыходзячым Новым годам і Калядамі нашых дарагіх ветэранаў працы. Жадаем Вам больш здароўя, шчасця, дабрабыту і каб вас акружаў клопат вашых родных!!!