29 лістапада 2023 г. у г. Мінску адбылося пасяджэнне XXII Міжурадавага савета па лесапрамысловым комплексе і лясной гаспадарцы дзяржаў - удзельніц Садружнасці Незалежных Дзяржаў. У ім прынялі ўдзел кіраўнікі (іх намеснікі) лясных ведамстваў з 6 краін: Беларусі, Расіі, Арменіі, Казахстана (у вочным фармаце), Кыргыстана і Таджыкістана (у відэафармаце).

У рамках пасяджэння разгледжаны шырокі пералік пытанняў. У іх ліку - прафілактыка і тушэнне прыродных пажараў на прыгранічных тэрыторыях, меры па барацьбе з нелегальным абаротам драўніны, інвентарызацыя дагаворна-прававой базы ў галіне лясной гаспадаркі і лясной прамысловасці і інш.

Калег з краін-удзельніц СНД на беларускай зямлі прывітаў міністр лясной гаспадаркі Аляксандр Кулік.

Члены Міжпраўсавета па лесапрамысловым комплексе і лясной гаспадарцы будуць працаваць на беларускай зямлі на працягу трох дзён: з 28 па 30 лістапада 2023 г. Для калег з краін СНД падрыхтавана таксама азнаямленчая праграма з арганізацыямі сістэмы Мінлясгаса. Запланавана і наведванне культурна-гістарычных аб'ектаў нашай краіны.

ДАВЕДКА.

Міжпраўсавет па лесапрамысловым комплексе і лясной гаспадарцы створаны ў 1998 годзе для наладжвання і развіцця супрацоўніцтва ў сферы лесапрамысловага комплексу і лясной гаспадаркі краін СНД. У яго склад увайшлі Рэспубліка Арменія, Рэспубліка Беларусь, Рэспубліка Казахстан, Кыргызская Рэспубліка, Рэспубліка Малдова, Расійская Федэрацыя, Рэспубліка Таджыкістан. У 2023-м права прыняць форум дасталося Рэспубліцы Беларусь, старшынёй Міжпраўнага савета зацверджаны Першы намеснік Міністэрства лясной гаспадаркі Рэспублікі Беларусь Драгун А.М.