Дадзеная выстава стала ўніверсальнай пляцоўкай для заключэння дагавораў-закупаў на наступны год. На выставе будзе прадстаўлена магчымасць сустрэчы таваравытворцаў з прадстаўнікамі гандлю з мэтай дэманстрацыі шырокага асартыменту прадукцыі, уключаючы інавацыі.

Традыцыйна арганізатарамі дадзенага мерапрыемства выступаюць Нацыянальны выставачны цэнтр «Белэкспа» Кіраўніцтва справамі Прэзідэнта Рэспублікі Беларусь пры падтрымцы Савета Міністраў Рэспублікі Беларусь, Міністэрства прамысловасці, Міністэрства ўнутраных спраў, Міністэрства лясной гаспадаркі, канцэрнаў «Белнафтахім», «Беллеспаперапрам» і «Беллегпрам».

Выстава праводзіцца з 1997 года і з'яўляецца адзіным у рэспубліцы выставачным мерапрыемствам, на якім прадстаўлены шырокі асартымент тавараў народнага спажывання, бытавой тэхнікі, посуду, сувеніраў, падарункаў, садовага інвентара, тавараў для адпачынку, дома і інтэр'ера.

Галоўная мэта выставы - прасоўванне канкурэнтаздольнай прадукцыі на ўнутраным і замежным рынках, наладжванне новых схем камунікацый вытворцаў і прадаўцоў, канструктыўны дыялог прадстаўнікоў бізнесу і ўлады.

Штогод выставу наведваюць прадстаўнiкi гандлёвых сетак Расіі, Украіны, Польшчы, Латвіі і Літвы.

У рамках выставы пройдзе деловая праграма, якая ўключае ў сябе кантактна-кааперацыйную біржу, падчас якой адбудуцца арганізаваныя сустрэчы вытворцаў і пастаўшчыкоў тавараў з прадстаўнікамі гандлёвых сетак Рэспублікі Беларусь і краін блізкага замежжа, а таксама правядзенне семінараў для спецыялістаў у галіне маркетынгу.