Унікальнасць падзеі падкрэслівае той факт, што РЛССЦ становіцца першай навуковай арганізацыяй Міністэрства лясной гаспадаркі Рэспублікі Беларусь.

За перыяд з 2013–2017гг. на базе РЛССЦ праводзілася праца па 17 тэмах НДДКТР. Пры гэтым аб'ём фінансавання НДДКТР склаў 30% ад агульнага аб'ёму работ (паслуг), выкананых супрацоўнікамі РЛССЦ за ўказаны перыяд.

Асноўныя вынікі навуковай і навукова-тэхнічнай дзейнасці ў галінах лясной селекцыі і насенняводства, лесааднаўлення і лесаразвядзення, з ужываннем сучасных ДНК- і клеткавых тэхналогій у раслінаводстве, атрыманыя на базе РЛССЦ, сумесна з НАН Беларусі (ДНУ "Інстытут лесу НАН Беларусі", ДНУ "Інстытут эксперыментальнай батанікі", ДНУ "Інстытут біяарганічнай хіміі НАН Беларусі") і універсітэтамі Міністэрства адукацыі Рэспублікі Беларусь (БДТУ, Палесду), ўкаранёны і ўведзены ў пастаянную практыку як на базе РЛССЦ, так і на базе лясных гадавальнікаў і цяплічных гаспадарак Рэспублікі Беларусь, а таксама на тэрыторыі ўсіх лесанасенных плантацый асноўных лесаўтваральных парод Міністэрства лясной гаспадаркі Рэспублікі Беларусь.

У цяперашні час на базе навукова-даследчага і вытворчага аддзелаў РЛССЦ працягваецца праца па стварэнні аб'ектаў пастаяннай лесанасеннай базы ў Рэспубліцы Беларусь; па развіццю гадавальніцкай гаспадаркі ў Рэспубліцы Беларусь, уключаючы вытворчасць пасадачнага матэрыялу з закрытай каранёвай сістэмай ва ўмовах закрытага грунту; па распрацоўцы тэхналагічных рэгламентаў вытворчасці пасадкавага матэрыялу каштоўных лясных відаў раслін у прамысловых аб'ёмах з выкарыстаннем клеткавых тэхналогій in vitro; а таксама аказваецца садзейнічанне Міністэрству адукацыі Рэспублікі Беларусь у арганізацыі працы вядучых ВНУ як Універсітэтаў 3.0.