Сёння стартавала Рэспубліканская зімовая спартакіяда работнікаў лясной гаспадаркі! Месца правядзення: Лагойскі раён на лыжна-біятлоннай базе "Заячая паляна". Спартакіяда пройдзе з 21 па 22 лютага 2024 года. Работнікі РЛСНЦ выступаюць у складзе зборнай каманды г. Мінска. Удзельнікам жадаем лёгкага старту, удачы і яркіх перамог!

Паважаныя воіны-інтэрнацыяналісты!

Прыміце віншаванні з самай галоўнай датай у вашым жыцці!

З днём вываду войскаў з Афганістана!

У гэты знамянальны дзень жадаем вам і вашым блізкім моцнага здароўя, сямейнага дабрабыту, яркіх момантаў і радасных сустрэч.

Прэзідэнт Беларусі Аляксандр Лукашэнка накіраваў зварот воінам-інтэрнацыяналістам, ветэранам вайны ў Афганістане:

Паважаныя таварышы!

15 лютага Беларусь адзначае Дзень памяці воінаў-інтэрнацыяналістаў.

З дня вываду войскаў Савецкай Арміі з Дэмакратычнай Рэспублікі Афганістан прайшло 35 гадоў, але сэрцы беларусаў захоўваюць памяць аб суайчынніках, якія сталі непахіснай перашкодай міжнароднаму тэрарызму.

Выяўляючы мужнасць і стойкасць, вы абаранялі Паўднёвыя рубяжы сваёй краіны, змагаліся за годную будучыню афганскага народа.

Мы падзяляем горыч страт сем'яў загінуўшых салдат і афіцэраў, схіляем галовы перад маці, якія вырасцілі сапраўдных патрыётаў.

Вярнуўшыся з вайны, вы працягнулі служэнне Айчыне: прывіваеце маладому пакаленню любоў і павагу да Радзімы, стаіце на варце асноў дзяржаўнага ладу, працуеце на карысць грамадства.

Прайшоўшы праз няпростыя выпрабаванні, застаяцеся надзейным шчытом, які засцерагае родную Беларусь ад сучасных пагроз.

Жадаю вам моцнага духу і добрага здароўя, а Вашым блізкім - міру і дабрабыту.

Крыніца: Інтэрнэт-партал Прэзідэнта Рэспублікі Беларусь

У гэты дзень у 1989 г. завяршыўся вывад савецкіх войскаў з Афганістана. Вайна ў Афганістане доўжылася больш за 9 гадоў.

У складзе абмежаванага кантынгенту савецкіх войскаў ваявалі каля 30 тысяч беларусаў, больш за 770 нашых суайчыннікаў там загінулі.

Сімвалам памяці аб Афганскай вайне з'яўляецца манумент на Востраве мужнасці і смутку, ён жа мемарыяльны комплекс «Востраў слёз» у г.Мінску. У складзе мемарыяла - невялікая капліца, на сценах якой напісаны імёны ўсіх беларусаў, якія загінулі ў Афганістане. Манументы і помнікі воінам-інтэрнацыяналістам устаноўлены ў многіх гарадах Беларусі.

Штогод у гэты дзень ушаноўваюць памяць салдат, якія загінулі ў афганскай вайне.

Сёння, 15 лютага 2024 года, намеснік дырэктара Сяргей Браніслававіч і супрацоўнікі РЛСНЦ усклалі кветкі да мемарыяла на Востраве мужнасці і слёз. А памяць пра тых, хто не вярнуўся з вайны, традыцыйна ўшанавалі хвілінай маўчання.

15 лютага ў РЛСНЦ адбыўся сход для ўсяго калектыву, прысвечаны 35-й гадавіне вываду савецкіх войскаў з Афганістана.

Быў арганізаваны тэматычны прагляд відэафільма «Апошні батальён», у якім удзельнікі вайны распавядалі пра дні, якія назаўжды захаваліся ў іх памяці і памяці іх блізкіх.

А памяць пра тых, хто не вярнуўся з вайны, традыцыйна ўшанавалі хвілінай маўчання.