Адзначым, што ў гэтым годзе выстава «Лесдрэўтэх» пройдзе ўжо ў 18-ы раз. Форум збярэ аўтарытэтных экспертаў і спецыялістаў кампаній лясной сектара з розных краін: Беларусі, Расіі, Швецыі, Фінляндыі, Польшчы, Германіі і інш Усяго на выставе будзе прадстаўлена больш за 60 экспанентаў. Сваю прадукцыю прэзентуюць і арганізацыі Міністэрства лясной гаспадаркі Рэспублікі Беларусь. На працягу трох дзён будуць працаваць стэнды ўсіх дзяржаўных вытворчых лесагаспадарчых аб'яднанняў, РУП «Белдзяржлес», УП «Беллесэкспарт», Рэспубліканскага цэнтра павышэння кваліфікацыі кіруючых работнікаў і спецыялістаў лясной гаспадаркі і інш.

Тэматыка «Лесдрэўтэх-2018» ўключае ў сябе прэзентацыю тэхнікі і тэхналогій для вырошчвання і нарыхтоўцы лесу, збору, дастаўкі і перапрацоўкі адходаў лесанарыхтоўкі і дрэваапрацоўкі. Падрыхтаваў аргкамітэт выставы і насычаную дзелавую праграму: сустрэчы з вытворцамі і экспертамі, кансультацыі па актуальных пытаннях і многае іншае.

У рамках правядзення форуму адбудзецца і кірмаш лесапрадукцыі, дзе кожны жадаючы зможа набыць саджанцы дрэў, піламатэрыялы, аб'екты для афармлення прысядзібных тэрыторыі па выставачных цэнах. На форуме будуць таксама прадстаўлены розныя тэхналогіі, тэхніка і абсталяванне для лесапасадак, інструменты і сродкі абароны ляснога фонду ад шкоднікаў і пажараў, многааперацыйная лесанарыхтоўчая тэхніка (форвардары, харвестары, лесавозы, сортыментавозы, пагрузчыкі і інш.). Падрыхтавалі арганізатары «Лесдрэўтэх-2018» і забаўляльную праграму.

Запрашаем усіх зацікаўленых наведаць выставу «Лесдрэўтэх-2018» і азнаёміцца са стэндамі арганізацый Міністэрства лясной гаспадаркі!

Прэс-служба Мінлясгаса