Каб у РЛССЦ было цёпла, досыць загрузіць у звычайны пеллетный кацел шэсць кубаметраў шышак — гэтага аб'ёму паліва хопіць на трое сутак працы. Магутнасць катла - 250 кілават.
Адходы ад перапрацоўкі шышак, якая доўжыцца ў РЛССЦ амаль круглы год, выкарыстоўваюцца не толькі для ўласнага ацяплення, але і пастаўляюцца на экспарт. Так, дзве фуры з паліўнымі шышкамі адпраўляюць у Еўропу штогод.
А вось у лесасеменным комплексе Івацэвіцкага лясгаса кацёл працуе на дровах. Але тут шышкi таксама не выкідваюць, а пастаўляюць на мясцовыя кацельні ЖКГ.
Дарэчы, новы лесасемянны комплекс у Шчомысліцы таксама будзе абсталяваны катламі, дзе ў якасці паліва будуць выкарыстаныя адпрацаваныя шышкi.
